धाराशिव
धाराशिव जिल्हा पोलीस दल व जिल्हा
परिषद धाराशिव, यांचा संयुक्त उपक्रम.
धाराशिव जिल्ह्यातील ग्रामसुरक्षा यंत्रणेची स्थिती
- सहभागी एकूण पोलीस स्टेशन = १९
- सहभागी सरकारी कार्यालय = ११
- सहभागी गावांची संख्या =६२७
- सहभागी नागरिकांची संख्या = ५९८८००
- ग्राम सुरक्षा यंत्रणेचा जिल्ह्यात आजवर झालेला वापर = ५०९२ वेळा
बातम्या
धाराशिव पोलीस दल व जिल्हा परिषद धाराशिव यांचा संयुक्त उपक्रम
धाराशिव जिल्ह्यातील ग्राम सुरक्षा यंत्रणा वापराबाबतची माहिती
नागरीकांना सरकारी कार्यक्रमांची माहिती देणे, ग्रामसभा, लसीकरण, सरकारी योजनांची माहिती देण्यासाठी तसेच चोरी दरोड्याच्या घटना, गंभीर अपघात, आगीच्या घटना, लहान मुले हरविणे, महिलांच्या संदर्भातील गुन्हे, इत्यादी घटनांत परिसरातील नागरिकांना तातडीने सूचना देणे, सावध करणे किंवा मदतीला बोलावण्यासाठी धाराशिव पोलीस दल व जिल्हा परिषद धाराशिव यांच्या सयुंक्त विद्यमाने धाराशिव जिल्ह्यात ग्राम सुरक्षा यंत्रणेचा 24 डिसेंबर 2021 रोजी वापर सुरु झाला. धाराशिव जिल्ह्यातील आजवर ग्राम सुरक्षा यंत्रणेत 628 ग्रामपंचायत सहभागी झालेल्या आहेत. धाराशिव जिल्ह्यातील सर्व पोलीस स्टेशनचे अधिकारी व कर्मचारी ग्राम सुरक्षा यंत्रणेत सहभागी आहेत. जिल्ह्यात आजवर 4771 वेळा ग्राम सुरक्षा यंत्रणेच्या 18002703600 या टोलफ्री नंबरचा वापर करण्यात आला आहे.
ग्राम सुरक्षा यंत्रणा म्हणजे काय?
ग्राम सुरक्षा यंत्रणा ही सामान्य जनता / सरकारी आपत्कालीन यंत्रणा सुरक्षा यंत्रणा यांना एकाच प्लॅटफॉर्मवर आणणारी संपर्क यंत्रणा आहे. ग्राम सुरक्षा यंत्रणेमध्ये प्रत्येक गावातील लोकांचे सर्व मोबाईल नंबर सुरूवातीस प्रत्येक गाव निहाय / तालुका निहाय / पोलीस स्टेशन निहाय नोंदणीकृत केले जातात. त्यामुळे नोंदणीकृत असणाऱ्या कोणत्याही मोबाईल नंबर वरुन ग्राम सुरक्षा यंत्रणेचा हेल्पलाइन नंबर 18002703600 या नंबर वर कॉल केला व ज्या गाव तालुका पोलीस स्टेशनला माहिती द्यायची आहे / त्यांचे करिता हा निरोप आहे असे सांगून तोंडी संदेश दिला तर त्या गावातील तसेच तालुका पोलीस स्टेशन मध्ये नोंदणीकृत असणारे प्रत्येक मोबाईल नंबर वर कॉल जातो व त्या सर्वांना एकाच वेळी निरोप दिला जातो. जर अनावधानाने कामाच्या ओघात कॉल उचलला नाही तर जोपर्यंत कॉल उचलला जात नाही तोपर्यंत विशिष्ट कालावधीमध्ये संबंधितांना परत परत कॉल दिला जातो व सर्वांना निरोप जातो. जेव्हा गावात गंभीर गुन्हा घडतो /आपत्कालीन परिस्थिती होते त्यावेळी कॉल दिल्यामुळे नोंदणीकृत सर्व मोबाईल नंबर ला निरोप जातो व त्यामुळे कॉल झालेले सर्व जण सतत सतर्क होऊन उद्भवलेल्या परिस्थितीचा सामना करण्याकरिता उपाययोजना करणे शक्य होते. पोलीस यंत्रणेमध्ये ज्याप्रमाणे वायरलेस यंत्रणा एकाच वेळी सर्व ठिकाणी संपर्क साधू शकते त्याचप्रमाणे ग्राम सुरक्षा यंत्रणा ही एकाच वेळी मोबाईल फोन आधारे सर्व नागरिक सुरक्षा यंत्रणांशी संपर्क साधत आहे.
ग्राम सुरक्षा यंत्रणेची आवश्यकता –
नागरिकांना एकाच वेळी महत्वाची माहिती द्यावयाची असल्यास संपर्क साधावयाचा असल्यास, इलेक्ट्रॉनिक मीडिया / प्रिंट मीडिया व्यतिरिक्त इतर कोणतेही साधन उपलब्ध नाही. त्यातच आपत्ती काळात तात्काळ संपर्क साधावयाचा असेल तर कोणतेही साधन उपलब्ध नाही ग्रामसुरक्षा यंत्रणेमुळे सर्व नागरिकांना एकाच वेळी संपर्क साधून महत्त्वाच्या घडामोडींबाबत तात्काळ माहिती सूचना देणे शक्य आहे. तसेच नागरिकही आपापसात व सुरक्षा यंत्रणेला एकाच वेळी तात्काळ माहिती देऊ शकतात त्यामुळे ग्राम सुरक्षा यंत्रणेची आवश्यकता आहे.
ग्राम सुरक्षा यंत्रणा 18002703600 संकट काळात कसा वापर करावा
जिल्ह्यातील ग्रामस्थांना आवाहन करण्यात येत आहे की, आपापल्या कुटुंबातील सर्व नंबर ग्राम सुरक्षा यंत्रणेत नोंदवून घेण्यासाठी पोलिस पाटील किंवा ग्रामपंचायत कार्यालयाशी संपर्क करावा. परिसरातील नागरिकांना महत्वाची / संकटकालीन माहिती एकाचवेळी देण्यासाठी ग्राम सुरक्षा यंत्रणेत सहभागी असणारा कोणताही नागरिक यंत्रणेचा पुढील पद्धतीने वापर करू शकतो.
1. ग्राम सुरक्षा यंत्रणेचा टोल फ्री नंबर 18002703600 किंवा सर्वसाधारण नंबर 9822112281 मोबाईल मध्ये AAA
HELP किंवा अअअ मदत या नावाने सेव्ह करून ठेवावा.
2. तातडीची माहिती परिसरातील सर्व नागरिकांना देण्यासाठी ग्राम सुरक्षा यंत्रणेचा टोल फ्री नंबर 18002703600 किंवा सर्वसाधारण नंबर 9822112281 वर आपल्या नोंदणी केलेल्या नंबरवरून कॉल करावा.
3. मिळणाऱ्या सुचना बारकाईने ऐकून । दाबावा.
4. बीप आवाज आल्यानंतर स्वतःचे नाव, गावाचे नाव, सूचना किंवा घटनेचे स्वरूप स्पष्ट व नागरिकांना समजेल आशा भाषेत 25 सेकंदात रेकॉर्ड करावे व कॉल बंद करावा.
5. आपण रेकॉर्ड केलेला संदेश आपल्या गावातील यंत्रणेत सहभागी सर्व नागरिकांच्या मोबाईल वर कॉल स्वरूपात तत्काळ प्रसारित होतो. पोलीस दलाशी संबंधित घटनांचे कॉल स्थानिक पोलिस स्टेशनच्या सर्व अधिकारी व अंमलदार यांनाही प्रसारित होतो.
6. संकट काळात स्थानिक नागरिक व प्रशासनाची तत्काळ मदत मिळते.
चोरी / दरोडयाच्या घटनेत ग्राम सुरक्षा यंत्रणेचा वापर कसा करावा यांचे नाट्य
रूपांतर http://gramsu.com/Robbery.mp3
आग / जाळिताच्या च्या घटनेत ग्राम सुरक्षा यंत्रणेचा वापर कसा करावा यांचे नाट्य
रुपांतर http://gramsu.com/audio/Firecase.mp3
ग्राम सुरक्षा यंत्रणा माहिती पुस्तक http://gramsu.com/app/GSY INFO.pdf
1. दिनांक 08/02/2022 रोजी हिंगणगाव ता. कळंब येथे 10 एकर ऊस आगीपासून वाचवण्यात यश.
2 दिनांक 08/02/2022 रोजी उग्रुप ता. भूम येथे चोरीची घटना टाळण्यात यश.
3. दिनांक 08/02/2022 रोजी शहापूर ता. तुळजापूर येथे बैल चोरीची घटना टाळण्यात यश.
4. दिनांक 09/02/2022 रोजी बामणीवाडी ता. धाराशिव येथे 15 एकर ऊस आगीपासून वाचवण्यात यश,
5 दिनांक 09/02/2022 रोजी खामसवाडी ता. कळंब येथे चोरीची घटना टाळण्यात यश.
6 दिनांक 10/02/2022 रोजी शिरढोण ता. कळंब येथे चोरीची घटना टाळण्यात यश.
7. दिनांक 14/02/2022 रोजी नांदगाव ता. तुळजापुर येथे चोरीची घटना टाळण्यात यश.
8 दिनांक 16/02/2022 रोजी उग्रुप ता. भुम येथे चोरीची घटना टाळण्यात यश.
9 दिनांक 18/02/2022 रोजी गिरवली ता. भुम येथे चोरीची घटना टाळण्यात यश.
10. दिनांक 19/02/2022 रोजी खामसवाडी ता. कळंब येथे चोरीची घटना टाळण्यात यश.
11. दिनांक 19/02/2022 रोजी वरवंटी ता. धाराशिव येथे 90 एकर फरिस्ट आगीपासून वाचवण्यात यश.
12. दिनांक 21/02/2022 रोजी धनेगाव ता. तुळजापुर येथे 28 एकर फॉरेस्ट आगीपासून वाचवण्यात यश.
13. दिनांक 08/03/2022 रोजी पाडोळी ता. कळंब येथे 50 एकर ऊस आगीपासून वाचवण्यात यश.
14. दिनांक 16/03/2022 रोजी वडजी ता. वाशी येथे 500 एकर डोंगर आगीपासून वाचवण्यात यश.
15. दिनांक 19/03/2022 रोजी येडोळा ता. तुळजापुर येथे शॉर्टसर्किट मुळे घराला लागलेली आग विझवण्यात यश.
16. दिनांक 26/03/2022 रोजी खुदावाडी ता. तुळजापुर येथे चोरीची घटना टाळण्यात यश.
17. दिनांक 19/04/2022 रोजी माडज ता. उमरगा येथे हरवलेली दीड वर्षाची मुलगी तत्काळ शोधण्यात यश.
18. दिनांक 19/05/2022 रोजी तुळजापुर येथील चोरीला गेलेला ट्रक 30 मिनिटांत शोधण्यात यश.
19. दिनांक 11/07/2022 रोजी घोडकी ता. वाशी येथील चोरीला गेलेली टू व्हीलर तत्काळ हस्तगत करण्यात यश.
20. दिनांक 22/07/2022 रोजी पळसवाडी ता. धाराशिव येथे चोरीची घटना टाळण्यात यश.
21. दिनांक 24/07/2022 रोजी इर्ला ता. धाराशिव येथे चोरीची घटना टाळण्यात यश.
22. दिनांक 31/07/2022 रोजी कोंबडवाडी ता. धाराशिव येथे चोरीची घटना टाळण्यात यश,
23. दिनांक 16/08/2022 रोजी इर्ला ता. धाराशिव येथे चोरीची घटना टाळण्यात यश.
24. दिनांक 28/08/2022 रोजी हिप्परगा (रवा) ता. लोहारा येथे चोरीची घटना टाळण्यात यश.
25. दिनांक 30/09/2022 रोजी आणाळा ता. परांडा येथे गायी चोरीची घटना टाळण्यात यश.
26. दिनांक 15/10/2022 रोजी कासगी ता. उमरगा येथे चोरीची घटना टाळण्यात यश..
27. दिनांक 16/05/2023 रोजी भातागळी ता. लोहारा येथे चोरीची घटना टाळण्यात यश.